BREAKING: Matagumpay ang Operasyon sa Baga ni Pope Leo XIV
🔴 BREAKING: Matagumpay na naoperahan si Pope Leo XIV para tanggalin ang isang maliit na nodule sa kanyang baga, ayon sa Vatican nitong Martes ng gabi, Okt. 13, 2026 (oras sa Roma).
Isinagawa ang operasyon sa Gemelli Hospital sa Roma, pinangunahan ng thoracic surgery team ni Prof. Stefano Margaritora. Ayon sa Holy See Press Office, natapos ito nang matagumpay, nasa oras at ayon sa plano, at nakabalik na sa kanyang kwarto ang Santo Papa.
Ang 71-anyos na Santo Papa mismo ang nag-anunsyo ng kondisyon matapos ang Angelus noong Linggo. Natuklasan ang nodule sa maagang yugto habang nasa routine check-up. Ito ang unang pampublikong isyu sa kalusugan sa 17 buwan niyang papasiya.
Mga isang linggo ang inaasahang pagpapagaling sa ospital. Kanselado ang lahat ng audience hanggang Martes, Okt. 20. Nananatiling nakatakda pa rin ang biyahe niya sa Uruguay, Argentina at Peru sa Nob. 6–17.
Wala pang inilalabas na resulta ang Vatican tungkol sa uri ng nodule. Ia-update namin ito kapag may bagong anunsyo.
